හොල්මන් සහ Driving.. ''රෑට ත්‍රීවිල් වැටෙන දෙමටගොඩ කුණු ඇළ''

''අම්මෝ... මම නම් ඔය පාරෙන් රෑට යන්නේ නැහැ. ඕක මහ භූත පාරක්...''

මා ජීවත් වන ප්‍රදේශයේ ඇති පාරක් ගැන නිතර අසන්නට ලැඛෙන කතාවකි ඔය. භූතයන්, පෙරේතයන්, යක්කු, දෙවිවරු මෙකී නොකී අය අපගේ ජීවිත සමඟ ගණුදෙනු කරන බව පොදු මකයක් වුවත් එහි සත්‍යය අසත්‍යයතාව පුද්ගලයා මත පදනම් වේ. නමුත් මා මේ පවසන මාර්ගය පාළු කැලයක් මැද නොවේ. දෙනෝදාහක් උදේ හවා ගමන් ගන්නා ලංකාවේ ඉතා ප්‍රසිද්ධ නගරයක ජනාකීර්ණ පෙදෙසකයි. මේ මාර්ගය වැටී ඇත්තේ ඇළ මාර්ගයක් සහ ගව ඝාතකාගාරයක් මැදිනි. මහා පාරේ සිට කුඩා බෑවුමක් හා බෑවුම අවසන් වීමේදී පොඩි වංගුවක් ද ඇති මේ පාර ගැන නොදන්නා අය රාත්‍රියේදී  ගමන් කිරීමේදී අකරතැබ්බ වලට මුහුණදීම සාමාන්‍යයක් ලෙස සිතිය හැක. නමුත් උදේ හවා මෙහි ගමන්කරන මිනිසුන්ට වරදින එක පුදුමයකි. රාත්‍රියට මාර්ගය අපහැදිලිද නොවේ. අකරතැබ්බ යැයි මා අදහස් කළේ වාහනය පාලනය කරගත නොහැකිව ඇළ මාර්ගය තුලට වැටීමයි. බීමතින් රිය පදවාගෙන පැමිණෙන්නෙකු  ඇළ මාර්ගයට වැටුණත් එය සාමාන්‍යය දෙයක් ලෙස සලකා ගණන් නොගෙන සිටිය හැක. නමුත් ඔවුන් පවසන්නේ වෙනත් දෙයකි. එනම් කොතරම් හොඳින් සිහිබුද්ධියෙන් වාහනය ධාවනය කළත් ගව ඝාතකාගාරය ඉදිරියෙන් ගමන් ගන්නා විට කවුරුන් හෝ වාහනය ඇළ මාර්ගය දෙසට අදින බවක් ඔවුන්ට දැනෙන බවයි. එනම් වාහනය ඇළ මාර්ගය තුළට ඇදගෙන යන බවකි. ඔවුන්ගේ මතය අනුව මෙම ඇද වැටීම සෑම විටම සිදුවන්නේ ගව ඝාතකාගාරයේ මරණ සතුන්ගේ අපද්‍රව්‍ය සියල්ල ඇළ මාර්ගයට මුදා හරින කාණුකට අසලයි. එනම් හරියටම ගව ඝාතකාගාරය ඉදිරිපිටිනි. මේ ප්‍රදේශයේ මිනිසුන් පවා මේ මාර්ගයේ රෑට ගමන් කිරීම ප්‍රතික්ෂේප කරන්නේ ඔවුන් ලැබූ සැබෑ අත්දැකීම් හේතුවෙනි. හොල්මන් සිටී මේ ඔවුන්ගේ බලපෑමක් යැයි එකහෙලා පැවසීමට නොහැකි වුවත් ඔවුන්ගේ අත්දැකීම් ප්‍රතික්ෂේප කිරීමටද නොහැකිය. එසේ පැවසීමට හේතුව වන්නේ ගව ඝාතකාගාරයේ එළුවන්, ඌරන්, හරකුන් මරන්නේ සුන්දර ලෙස නොවේ. ඒ මරණ සතුන්ට දහසකුත් වේදනා දීමෙනි. මෙසේ මැරෙන සතුන්ගේ කෑ ගැසීම්, වේදනාවන්, රුධිරය ඒ අවට පරිසරයට නිතර මුසුවේ. අමිහිිරි දේවල් නිතර සිදුවෙන තැනක හොල්මන් නැතත් අත්භූත බවක් නොතිබේයැයි නිගමනය කළ නොහැක. එනම් ඒ අවට පරිසරය එසේ හැඩගැසී ඇති බැවිනි.


by VimarshanaS

දෙමටගොඩ පොඳු වෙළඳසැල තුල දහවලට පවතින අධික රස්නය

දෙමටගොඩ පොදු වෙළඳසැල තුල දහවල් කාලයේ පවතින අධික රස්නය හේතුවෙන් එහි වෙළඳ කටයුතු සිදු කිරීම ඉතාමත් අසීරු තත්වයකට පත්ව ඇති බව එහි වෙළඳාම් කටයුතු සිදු කරන වෙළෙන්දන් පවසයි. මේ හේතුවෙන් වෙළඳසලෙන් භාණ්ඩ මිලදී ගැනීමට පැමිණෙන පරිභෝගිකයන්ද ඉතාමත් අසීරු තත්වයකට පත්ව ඇත.


by VimarshanaS

   

කිරිබත්ගොඩ බී මූලික රෝහලට යාමට ඇති මාර්ගය මත දමා ඇති මාර්ග භාධක ගටති

කිරිබත්ගොඩ බී මූලික රෝහලට යාමට තිබෙන මාර්ගය මත දමා ඇති මාර්ග බාධක ගැටති හේතුවෙන් එම මාර්ගය හරහා ගමන් ගන්නා පුද්ගලයන් ඉතාමත් අසීරු තත්වයකට පත්ව ඇත. එයට හේතුව වන්නේ මෙම ගැටති නියමිත පරිදි නොව ඊට වඩා අඟලක් දමා තිබීමයි. මෙයින් වඩාත්ම අසීරුතාවයට පත්ව ඇත්තේ මෙම මාර්ගය ඔස්සේ රෝහලට පැමිණෙන රෝගීන් වේ.


by VimarshanaS

   

කළුපාට අත්තටු.. ( 1 කොටස )

කැළෑව...

   මේ ලෝකේ සුරංගනාවියෝ කියලා කට්ටියක් ඉන්නවද ? නැද්ද ? මේ හැමදාම මම මගෙන්ම අහන ප්‍රශ්නයක්. ඒත් ඒ ප්‍රශ්නෙට අද වෙනකන් මට කිසිම උත්තරයක් ලැබුණේ නැහැ. මේ හැමදේම පටන් ගත්තේ මීට අවුරුදු හයකට කලින්. එතකොට මට වයස අවුරුදු 14යි. මට සිද්දවුන හැමදේම මේ දැන් වුණා වගේ මතකයි කියල නම් කියන්න බැහැ. ඒත් මීට මාසෙකට කලින් වුණු දෙයක් ගැන කියනවා වගේ විස්තර කරන්න පුළුවන්.

   මගේ නම නෙසුකා. මම මේ කියන්න හදන කැළෑව පටන් ගන්නේ අපේ ගම ඉවර වෙන තැනින්. ගමේ කවුරුවත් මේ කැළෑවට යන්නේ නැහැ. මම හිතන්නේ මම විතරයි මුළු ගමෙන්ම මේ කැළෑවට ගිය එකම කෙනා ඒ වගේම තවමත් මේ කැළෑව ළගට යන එකම කෙනත්. ඒකට මට හේතුවක් තියෙනවා. මීට අවුරුදු හයකට කලින් දවසක් මම මේ කැළේ ඇතුලට ගියා. ඒ මගේ ජිවිතේ නැතිකරගන්න ඕනේ කරපු නිසා. ඒ මම දැන් ඉන්න ගෙදර අය මට කරන කරදර ඉවසගන්න බැරුව. මන් දන්නේ නැහැ මාව මේ ගෙදරට ආවේ කොහොමද කියලා. හැමෝම කියන්නේ මේ ගෙදර හිටපු සීයා මාව කැළෑව ඇතුලේ ඉදල අරගෙන ආව කියලා. ඒත් මම සීයව දැකල නම් නැහැ. මට වයස අවුරුද්දක් වෙද්දී එයා මැරුණා කියල තමයි හැමෝම කියන්නේ. මම කාගේ කවුද කියන්න දන්න කිසිම කෙනෙක් ගමේ නැහැ. මම පොඩි කාලේ ඉදලම හැදුනේ වැඩුනේ මේ ගෙදර. ඒත් මට තේරෙන දවසේ ඉදන් මේ ගෙදර අය මගෙන් වැඩ ගත්තා. මම කවදාවත් ඉස්කෝලෙකට ගිහින් නැහැ. හැමදාම මේ ගෙදර වැඩකාරී වගේ හිටියේ. ඒක එහෙම වෙන්නත් හේතුවක් තිබුණා.

    ඉතින් මට හැමදේම එපා වෙලා තිබුනේ. මම ඊට පස්සේ තමයි කැළෑවට ගියේ මැරෙන්න හිතාගෙන. මට මේ ගමේ මිනිස්සු කියන්නේ යක්ෂණිගේ දුව කියලා. ගමේ කවුරුවත් මගෙත් එක්ක වැඩිය කතා කරන්නෙත් නැහැ. ඒ එයාල මට බය නිසා. මොකද මට තියෙන්නේ රත්තරන් පාට ඇස් දෙකක්. හරි අමුතු පෙනුමක්. ඒ කියන්නේ දිලිසෙන හමක්. ඒක එහෙම වුනේ කොහොමද කියලා මම දන්නේ නැහැ. ඉතින් මන් වගේ අමුතු පෙනුමක් තියෙන ළමයෙක් ඒ කියන්නේ අසාමාන්‍ය පෙනුමක් තියෙන ළමයෙක් මුළු ගමකින්ම කොන් කරන එක අහන්න දෙයක් නෙමෙයි. කැළෑවට ගිය වෙලේ මම කැළෑව මැද්දේ තියෙන ලොකු ගල් කුළක් දැකලා දුවගෙන ගිහින් ඒ ගල්කුළ උඩට නැග්ගා. එතනින් පහළට පැනල මැරෙන්නයි මම හිතුවේ. ඒ නිසා මම දහයට ගණන් කරලා හොද හුස්මක් අරන් ගල් කුළෙන් පැන්නා. මට හොදට මතකයි හුලං පාර කපාගෙන මාව බිමට වැටෙනවා.

      මම තත්පර ගානක් එහෙම උඩ ඉදලා බිමට වැටුණා. ඒත් එක පාරටම කවුදෝ කෙනෙක් මාව අල්ල ගත්තා. මම ගැස්සුනා. එයා මුළු මුණම වහගෙන හිටියේ. මම එයාගේ ඇස් දෙක දැක්කා. ඒවා මගේ වගේමයි. රත්තරන් පාටයි. එයා මාව අල්ල ගත්තේ පියඹාගෙන ඇවිත්. හරියට පෙනුම මනුස්සයෙක්ගේ වගෙයි. ඒත් එයාට ලොකු අත්තටු දෙකක් තිබුණා. ලොකුම ලොකු කළුපාට අත්තටු දෙකක්. එයා මාව අරගෙන ඇවිත් කැළෑවට ඇතුල්වෙන තැනින් මාව හෙමීට බිමින් තිබ්බා. මාව බිමින් තියලා එයා යන්න හැරුණා. මට මතකයි මම එයාගේ ඇදුමෙන් අල්ලලා එයාව නවත්තනවා. ඒ කෙනා මගේ දිහා හැරිලා බැලුවා. ආහ්.. මන් එයාට කිවුවා එයාගේ අත්තටු ගැන. මම දැකපු ලස්සනම අත්තටු දෙක කියලා. එයාගේ අත්තටු ගොඩාක් ලස්සනයි කියලා. ඒ කෙනා මගේ දිහා බලාගෙන හිටියා. ගොඩාක් පුදුමෙන් වගේ මන් දිහා බලන් හිටියේ. මට මතකයි එයාගේ ඇස් දෙක ලොකු කරන මන් දිහා බලන් ඉන්නවා. එයා නැමිලා මගේ ඔළුවට අත තිබ්බා. ඔයා මාව දැක්කා කියලා කාටවත් කියන්න එපා. මේක රහසක්. මට මතක එච්චරයි. 

   ඊට පස්සේ මම නැගිටිනකොට හිටියේ මන් දැන් ඉන්න ගෙදර මගේ ඇදේ. මම මේ ගැන කාගෙන්වත් අහන්න ගියේ නැහැ. කවුරුත් මට ඒ ගැන කිසිම දෙයක් කිවුවෙත් නැහැ. එත් හැමදාම මම කැළෑව ළගට ගිහින් බලන් ඉන්නවා. ඒත් අද වෙනකන් කවුරුවත් ආවේ නැහැ මාව බලන්න. මේ කැළෑව යක්ෂයෝ අරක්ගත් තැනක් කියලයි අපේ ගමේ මිනිස්සු කියන්නේ. ඒත් මම මේ හොයන කෙනා යක්ෂයෙක් නම් වෙන්න බැහැ. මම ඒ කෙනාව දැක්කේ නම් නැහැ. ඒත් මට ඒ අත්තටු දෙක හොදට මතකයි.


by VimarshanaS

දකුණු මුහුදට කඩා වැටෙන WT1190F..

අහස ඉරිතලා අහසෙන් දුවන්නේ.....
පොළොව ඉරිතලා පොළොවෙන් දුවන්නේ.....
මුහුද ඉරිතලා මුහුදෙන් දුවන්නේ.....
අහස පොළොව මුහුදම ඉරි තලන්නේ.....

   අහස, පොළොව, මුහුද සිසාරා ගමන් ගන්නා වාහන, අහස් යානා, නාවික යාත්‍රා ගමනාගමනය මතු යම් දවසක පරිසරය දෙදරවන තරමේ ව්‍යසනයක් වන බැව් අතීතයේ ජිවත් වූ ජනකවියාගේ උපකල්පන දැනුමට හසුවූ අයුරු ඉහත ජනකවියෙන් දැක්වේ. අනාගත සිදුවීම් ගැන අතීත ගැමියා තුල තිබූ අවබෝධය මෙවැනි දේ මගින් මානව පිළිබිඹු වේ. නමුත් මේ ලිපිය අතීත ගැමි අවබෝධයන් ගැන නොව ශ්‍රී ලංකාවේ දකුණු මුහුදට වැටීමට තිබූ අභ්‍යවකාශ කසළ කැබැල්ල පිලිබදවයි.

   මෙම වසරේ එනම් 2015 වර්ෂයේ ඔක්තෝම්බර් 3 වන දින ඇරිසෝනාවේ පිහිටි කැටලිනා ආකාශ වස්තු නිරීක්ෂණාගාරයේ සිටි නිරීක්ෂකයන්ට පෘථිවිය දෙසට ඇදී එන හඳුනා නොගත් ආකාශ වස්තුවක් දර්ශනය වී ඇත. මෙම වස්තුව කුමක්දැයි හරිහැටි හඳුනාගැනීමට නොහැකි බැවින් එය WTF යන කේත නාමය භාවිතා කරමින් WT1190F ලෙස නම් කරන ලදී. මෙම ආකාශ වස්තුව මීට පෙරද 2009 හා 2013 වසරවලදී දුරේක්ෂකවලට හසුවී තිබුණු අතර එහිදී එය 9U01FF6, UDA34A3 හා UW8551D යන නම් වලින් හඳුන්වන ලදී.

 
    ආකාශ වස්තුව පෙර දර්ශනය වන අවස්ථා වලදී පෘථිවිය වටා දුරස්ථ හා ආරක්ෂිත කක්ෂයක ගමන් කරමින් තිබූ බැවින් විද්‍යාඥයන් ඒ පිළිබඳව විශේෂ අවධානයක් යොමු නොතිබුණි. නමුත් මෙය කුමක්දැයි සොයා බැලීම ආරම්භ වූයේ එය තමන් ගමන් කරමින් සිටි ගමන් මාර්ගය වෙනස් කරමින් පෘථිවිය දෙසට ඇදී ඒමට පටන් ගැනීමත් සමඟය. පසුව පෘථිවිය දෙසට ඇදී එන මෙම WT1190F හි දිග පළල පිළිබඳව ගණනය කිරීම් ඇරබිණි. ඒ අනුව මෙය මීටර දෙකක් හෙවත් අඩි හතක් පමණ දිග බව සොයා ගන්නා ලදී.    
   
   විද්‍යාඥයන්ගේ නිරීක්ෂණ වලට අනුව මෙය සාමාන්‍ය ග‍්‍රාහකයකට වඩා වෙනස් බව පැහැදිලි විය. එනම් මෙම ග‍්‍රාහකය දීප්තිමත් මතුපිට පෘෂ්ඨයකින් යුක්ත වූ අතර සිලින්ඩරාකාර හැඩයක් ගන්නා ලදී. පසුව WT1190F පිළිබඳව වැඩිදුර කරන ලද දත්ත විග‍්‍රහයකින් පසුව එය ග‍්‍රාහකයක් හෝ ස්වභාවික වස්තුවක් නොවන බවට විද්‍යාඥයන්ට තහවුරු විය. මේ තහවුරුවත් සමඟ WT1190F පිළිබඳ විවිධ මත ගොඩනැගෙන්නට විය. ඉන් සමහරක් උපකල්පන සිදුවීමට ඇති සම්භාවිතාව ඉතාමත් අඩු විය.
 
   දැනට විද්‍යාඥයන් විශ්වාස කරන මතය වන්නේ මෙය මිනිසා විසින්ම අභ්‍යවකාශ ගත කරන ලද යම්කිසි අභ්‍යවකාශ යානයක සුන්බුන් කොටසක් යන්නයි. ඒ අනුව මෙය පෘථිවියේ සිට ගුවන්ගත වී අභ්‍යවකාශයට ගොස් නැවත පෘථිවියට පැමිණෙන වස්තුවකි. වසර ගණනක් පෘථිවිය වටා පරිභ‍්‍රමණය වෙමින් තිබී ඇති මෙම සුන්බුන් කොටස ගුරුත්වාකර්ෂණ ක්ෂේත‍්‍ර වෙනස්වීමකින් හෝ වෙනත් හේතුවක් නිසා තමන් ගමන් කළ කක්ෂයෙන් බැහැරව පෘථිවිය වෙතට කඩා වැටීම අරඹා ඇත.
           
   රොකට්ටු අභ්‍යවකාශ ගත වීමේදී විවිධ පියවරයන්හි දී යානය උපරිම වශයෙන් සැහැල්ලූ කර ගැනීම සඳහා රොකට්ටුවේ සවිකර ඇති ප‍්‍රයෝජනවත් නොවන කොටස් ගලවා ඉවත් කරයි. රොකට් බුස්ටර, හිස් ඉන්දන ටැංකි ආදී මෙම කොටස් අභ්‍යවකාශයේදී රොකට්ටුවෙන් මුදා හැරෙන්නේ ආරක්ෂා සහිතව සාගරයට වැටෙන ලෙස ක‍්‍රමලේඛ ගත කිරීමෙන් පසුවයි. නමුත් මින් බොහෝමයක් පෘථිවි වායුගෝලයේදී ගිණිගෙන විනාශ වන අතර සමහරක් කක්ෂගතව පරිභ‍්‍රමණය වෙයි. ඒ අනුව නොවැම්බර් 13 වනදා කඩා වැටෙන ආකාශ වස්තුව 60 දශකයේදී එනම් මීට වසර 40 කට පමණ පෙර නාසා ආයතනය මගින් සිදුකළ ඇපලෝ ව්‍යාපෘතිය හෙවත් චන්ද්‍ර මෙහෙයුමේදී අභ්‍යවකාශ ගත කළ රොකට්ටුවක කොටසක් ලෙස සැලකේ. ඇපලෝ 1 කේ සිට 17 දක්වා මිනිසුන් රහිත හා සහිත චන්ද්‍රකා Little joe 11, Saturn 1, Saturn 1B සහSaturn V යන රොකට්ටු මගින් අභ්‍යවකාශ ගත කරන ලදී.
     
   මෙම ආකාශ වස්තුව කඩා වැටීමේ ඇති වැදගත්කම වන්නේ මෙය නිගමන වලට අනුව අභ්‍යවකාශ යානයක සුන්බුන් කැබැල්ලක් නම්, මිනිසා විසින් නිපදවන ලද වස්තුවක් අභ්‍යවකාශයට ගොස් නැවත පෘථිවියට පැමිණෙන වස්තූන්හි ගමන් මාර්ගය මෙන්ම එය පෘථිවියට ළගාවන කාලය මැන ගැනීමටත් ලැබෙන විරල අවස්ථාවක් වන බවයි. එමෙන්ම අනාගතයේදී විනාශකාරී උල්කාපාතයක් පෘථිවිය මතට පැමිණීමේදී එය පෘථිවියට ඇතුළුවන ආකාරය මෙන්ම එහි ගමන් මාර්ගය පිළිබඳවත් ගතවන කාලය පිළිබඳවත් මැන ගැනීමටත් WT1190F අභ්‍යවකාශ කසළ කැබැල්ල මගින් සපයන දත්ත මහත් උපකාරීවනු ඇති බවයි.
   
   දැනට සිදුකර ඇති ගණනය කිරීම් වලට අනුව නොවැම්බර් මස 13 වන සිකුරාදා ශී‍්‍ර ලංකා වේලාවෙන් පෙ.ව. 11.50 ට පමණ ගාල්ලට කිලෝමීටර 65-100 ඈතින් මුහුඳට තත්පරයට කිලෝමීටර 11 ක වේගයෙන් මෙම ආකාශ වස්තුව කඩා වැටීමට නියමිත බව විද්‍යාඥයන් ප‍්‍රකාශ කරයි. ඉහළ වායු ගෝලයේ සිට පැමිණීමේදී මෙය මුළුමනින්ම හෝ වැඩි කොටසක් ගිණිගෙන විනාශ වී යාමට ඉඩ ඇති බැවින් මුහුඳට කුඩා සුන්බුන් කැබැලි කිහිපයක් කඩා වැටෙන බව අනුමාන කර ඇත.

   මෙලෙස අභ්‍යවකාශ කසළ කැබැල්ල කඩා වැටෙන ස්ථානය තහවුරු කර ගත් බැවින් නාසා සහ ඊසා යන අභ්‍යවකාශ ඒජන්සි මගින් අනතුරු ඇඟවීම් නිකුත් කර ඇත. ඒ අනුව කඩා වැටීම සිදුවන අවස්ථාවේ මුහුදේ ගැවසීම අනතුරුදායක වනු ඇත. WT1190F කඩා වැටීමේදී ගිණි බෝලයක් හෝ ගිණි බෝල රාශියක් ලෙස දකුණු මුහුඳ ප‍්‍රදේශයේ දිස්වනු ඇති බවට විද්‍යාඥයින් උපකල්පනය කරයි. WT1190F හි විශාල කොටසක් මුහුඳට වැටීමට හැකියාවක් නොමැති වුවත් කඩා වැටෙන ආකාශ වස්තුවක ඉතා කුඩා කැබැල්ලක් පවා අතිශය අනතුරුදායක විය හැක. එය කඩා වැටෙන අධික වේගය නිසා කුඩා බොරළු කැටයක ප‍්‍රමාණයකින් යුතු කොටසකට පවා මිනිසෙකු මරණයට පත් කිරීමට හෝ දැඩි දේපළ හානියක් කිරීමට හැකියාව පවතින බව විද්‍යාඥ මතයයි.







( COPY )

මාවත..

ඇවිදගෙන ගියෙමි වීදිය දිගේ දුර ඈතට
දැක්කා කුඩා දරුවෙකු දිව යන..
ඔහු පසුපස ලුහුබැද යන පොලිස් රැළ
විපරම් කර බැලුවෙමි මේ කිමද..

රෑ මනමාලියෙකි මව ඇගේ රැකියාවෙන්
දහවල නිදති රෑ ඇහැරෙති..
බඩගිනිය දරුවට මව නිදි අතරේ
හිස හැරුණු අත දරුවා ඇවිදින..

අහල පහල නිවසක අදුරන මිනිසා
කෑමක් දී දරුවට යමක් දුනි..
පුතේ උඹ ඕක පාලම ළගට
ගෙනියපන් ඇති කෙනෙකුන් එතන..

රැගෙන ගියෙමි පාලම වෙත පාර්සලේ
අනිකෙකු නොමැත පොලිසිය ඇත බලාගෙන..
අල්ලපිය ඕකා තමා එකා
බිය වූ දරුවා දුවමින් පලා යන..

පොලිසිය පන්නාවි පොඩි එකා පිටුපස
අනේ අපොයි කියයි ගෑනුන් වටපිට..
සිදු වූ දෙය වැටහුණි මට නීමේෂෙට
දැක්කා නොදැක්කා මෙන් දිගටම ගියෙමි මම..


by VimarshanaS

මනදොළ..

මගේ ආත්මය තුළ එක ගීයක් ඇත..
මම වරින් වර ලියන්න හදපු..
මම මේ අධික සීතලෙන් මිදී නැගිට්ටම..
ඔයා ඒ ගීය මට වරින් වර ගායනා කරපු..
ඉතින් මම මගේ හිස පහත් කරලා..
මගේ දෑත ඔසවා ප්‍රර්ථනා කලා..
ඔයාගෙම වෙන්න කියලා..
මම දැන් දන්නවා..
ඔයා මගේ එකම බලාපොරොත්තුව කියලා..
මට අනෙක් තරු වලින් ගී ගැයුවත්..
ඔබේ ගීතය තරම් ඒවා බලවත් වුනේ නැහැ..
මට මගේ හීන ගොඩාක් ඈතයි කියලා දැනුනම..
ඔයා මා වෙනුවෙන් ඒ හීන මට ගයනා කළා..
මම මගේ දෛවයම ඔබට දුන්නා..
මම මගේ සියලු දේම ඔබට දුන්නා..
මට ඕනේ ඔබේ කරුණාව..
ගී කියමින් මා වෙනුවෙන්ම හෙලු කරුණාව..
මගේ අව්‍යාජ එක සිනහවකින්..
ඔබ මා වෙනුවෙන් කල සියලු දේට..
මා සතු සියල්ලම ඔබට දෙනවා.


by VimarshanaS
.