කළුපාට අත්තටු..- Owner of Black Wings ( Special )

කතාවේ ඉන්න චරිත වලට ගැලපෙන පින්තුර...

Images that match the characters in the story ...

1) Male Lead - King of Demons - Maou of Mazoku - Kaiju ( Strange Beast )

2) Female Lead - Bride of Kaiju - Nezuka

3) High Level Demon - Fibrizo - Reo 

4) High Level Demon - Zelas - Asahi

5) High Level Demon - Garv - Touma

6) High Level Demon - Darufin - Himari

7) High Level Demon - Grausherra - Osamu

8) High Level - Work with Demon - Yui

9) Middle Level Demon - Kanzel - Goro

10) Middle Level Demon - Mazenda - Daiki

11) Low Level Demon - Seigram - Ichiro

12) Low Level Demon - Zorom - Michi

13) Son of the Previous Maou - Shiro 

ඔයයි තාත්තා.. ( 4 )

මගේ දුවගේ තත්වේ කොහොමද ඩොක්ටර් ?

බය වෙන්න එපා.. දුවයි බබයි දෙන්නම හොදින්. ඔයාලට ඒ දෙන්නව බලන්න පුළුවන් රූම් එකට දැම්මට පස්සේ.

තැන්ක්ස් ඩොක්ටර්.
...............................

දේවේන්ද්‍ර.. අපි දුවත් එක්ක කතා කරන්න ඕනේ මේ ගැන. එයා දන්නවා ඇතිනේ බබාගේ තාත්තා කවුද කියලා.

ඔව් මානෙල්. අපි බලමු දුව ගෙදර ගෙනිච්චම. අපිට තියෙන ප්‍රශ්නත් එක්ක මේ දරුවාව බාර ගන්න බැහැ.

තාත්තට ළමයව එපා නම් මට හිතෙන්නේ අපි ළමයව නිවාසෙකට දාමු. වෙන කරන්න දෙයක් නැහැ.

මානෙල්.. මම මේ ගැන හිතලා ඉවරයි.

ඒ මොකක්ද ?

අපි මේ ළමයව ළමයි නැති පවුලකට දෙමු. හොඳ ගානක් ගන්න පුළුවන්. මන් අඳුරන දෙන්නෙක් එක්ක කතා කරලා තියෙන්නේ. එකයි මම කිව්වේ දුවට දරුවාව ලැබෙන්න දෙමු කියලා.

දේවේන්ද්‍ර ඔයා නම්.. මගේ අකමැත්තක් නැහැ..
...............................

ගිම්නා හෙමිට එයාගේ ඇස් ඇරලා බැලුවේ එයාගේ එහා පැත්තේ ඉන්න පුංචි බබා දිහා.. පුතෙක්.. අදිත අපේ දරුවා පුතෙක්.. ගිම්නා හෙමීට නැගිටලා පුතාව අතට ගත්තා. පුතාගේ මුණ දිහා ටික වෙලාවක් බලන් හිටපු ගිමනට කට කොනකට හිනාවක් මතුවූනා. තාත්තා වගේමයි... එයා එයාටම හිතා ගත්තත් කිසිම දෙයක් කිව්වේ නැහැ. මන් දන්නවා ඔයාට දාන්න ඕනේ නම මොකක්ද කියලා.. පුතා දන්නවද පුතාගේ තාත්තා ඉස්සෙල්ලම මාව දැක්කම කිව්වේ මන් හරි අහිංසකයි කියලා. තාත්තට නම් ඒ ගැන මතක නැතුව ඇති. එයාලා අපේ සිනියර්සලා නිසා ඒ දවස් වල නිතරම අපේ පන්තිවලට එනවා. පුතාගේ තාත්තා නම් ආවේ එක දවසයි. එදා තමයි මට අහිංසකයි කිව්වේ. 

ඉතින් අපේ පුතාට මම අද ඉදන් කතා කරන්නේ අහිංස කියලා..

ගිම්නා කොච්චර සතුටින් හිටියත් ඒ සතුට වැඩිකල් තියෙන එකක් නෙමේ. ටික දවසකට විතරයි. මොකද එයා දන්නේ නැහැ එයාගේ ළමයා ටික දවසකින් එයාට නැති වෙන්න යනවා කියලා.

ඔයයි තාත්තා.. ( 3 )

මම සතියක් යනකන් හරියට කෑමක් බීමක් ගත්තේ නැහැ. මම කරපු එකම දේ කාමරේට වෙලා අඬපු එක විතරයි. මොකද මට අම්මා කෙනෙක් වෙන්න ඕනේ වුනේ නැහැ.

අම්මගෙයි තාත්තගෙයි තරහා වැඩිකල් තිබුණේ නැහැ. දවසක් අම්මා මගේ කාමරේට ඇවිත් කිව්වා " ඔයාට මේ දරුවා ඕනේනම් ඔයා හැම දේම තනියම කර ගන්න.. අපිට තව දරුවෙකුට වියදම් කරන්න සල්ලි නැහැ.. ඔයාට කැමති තීරණයක් ගන්න පුළුවන්.. අපෙන් බලපෑමක් නැහැ.."
අම්මා එහෙම කියලා කාමරෙන් එළියට ගියා. මම දන්නේ නැහැ ඒ ඇයි කියන්න. එයාලා එතනින් පස්සේ මට කිසිම දෙයක් කිව්වේ නැහැ. පහුවදා මම බැංකුවට ගිහින් අදිත දුන්න චෙක් එක කෑෂ් කර ගත්තා. මගේ දරුවට වියදම් කරන්න කියලා මට තිබුණේ එච්චරයි. මට දැන් රස්සාවට යන්න විදියක් නැති නිසා ඒ සල්ලි පරිස්සම් කරගෙන තමයි වියදම් හැමදේම කළේ.

ගෙදර අය මගෙත් එක්ක වෙනද වගේම හිටියා. ඔව්.. ඉතින්.. කොහොමත් වෙනද වගේම මගේ ගැන හොයල බලනවා තියා මගෙත් එක්ක කතා කලේ වත් නැහැ. එයාලා කොහොමත් එහෙම නිසා මමත් මුකුත් නොකියා මගේ පාඩුවේ හිටියා. මට කැමති තීරණයක් ගන්න කියපු එකම ඒ දෙන්නා මට කරපු ලොකුම උදව්ව.

මට මගේ දරුවා ගැන කිසිම අදහසක් තිබුණේ නැහැ. ඩොක්ටර්ව මුණ ගැහෙනකන්ම. මම බයෙන් හිටියේ.

" අම්මේ ඔයාට ඒක ඇහෙනවද .. ? ඒ තමයි ඔයාගේ දරුවාගේ හර්ට්බීට් එක..

ඒ කියන්නේ මගේ දරුවා හොඳින්ද ?

අනිවාර්යෙන්ම.. නිරෝගී දරුවෙක්.. "

එවෙලේ ඉදන් මට තේරුණා මගේ හිතේ දරුවා ගැන තිබුණු අකමැත්ත නැති වුණා කියලා. මට කියන්න පුළුවන් මන් දරුවට ආදරේ කරන්න පටන්ගත්තේ දරුවාගේ හර්ට්බීට් එක අහපු වෙලේ ඉදන් කියලා.

" පුතේ මට සමාවෙන්න. මුලදී ඔයාට අකමැති වුනාට. එත් මම පොරොන්දු වෙනවා ඔයාව ඇහැක් වගේ බලා ගන්නවා කියලා.. මම ඔයාට කිසිම කරදරයක් වෙන්න දෙන්නේ නැහැ..
ඔයා ඔයාගේ අම්මව විශ්වාස කරන්න.. "

ඔයයි තාත්තා.. ( 2 )

මම ගෙස්ට් හවුස් එකෙන් එළියට ආවේ පහුවදා උදේ. මම එළියට බහින්න හදද්දී මට ඒ ගෙදර සර්වන්ට් කෙනෙක් රුපියල් 50000 චෙක් එකක් අතට දීලා කිව්වා උදෙන්ම පිටත්වුණා මේක මිස්ට දෙන්න කිව්වා කියලා. හ්ම්.... මම ඒක දැනගෙන හිටියා. 

මම චෙක් එකත් අරන් ගෙස්ට් හවුස් එකෙන් එළියට ඇවිත් කෙළින්ම ගෙදරට ගියා. ඊට පස්සේ කවදාවත් මම ක්ලබ් එකේ වදටවත් කැම්පස් එකටවත් ගියේ නැහැ. මම ෆුල් ටයිම් ගේක සර්වන්ට් විදියට වැඩ කළා. 

ජිවිතේ හරි පුදුමයි. අදිත මම කවුද කියලවත් දන්නේ නැහැ. එයාට දැනගන්න ඕනෙත් නැහැ. මට ආපහු අදිතව මුණගැහෙන්න කිසිම වුවමනාවක් තිබ්බෙත් නැහැ. හොඳමදේ එයාව මුණ නොගහෙන එක. එදා ගෙස්ට් හවුස් එකෙන් එළියට ආවට පස්සේ මට ආපහු කැම්පස් එකට යන්න තරම් හයියක් තිබ්බෙත් නැත්තේ එකයි. මට මේ හැමදේම මගේ මතකයෙන් අයින් කරලා දාන්න ඕනේ. ඒ වුනත් එදා මතකය ආයේ ආයේ මට මතක් වෙන එක නතර කරන්න බැරි වුණා.

" මානෙල් ඔයාගේ මේ සෝබන වැඩ නතර කරන්නේ කවද්ද ?

දැන් ඔයා කියන්නේ අපේ පවුලට මෙහෙම වුනේ මගේ වැඩ හින්ද කියලද ? අනේ.. මිනිහෝ.., තමුසේ ණය ගන්න එක නතර කලානම් මේ ඔක්කොම හරි.

 

මම ණය අරන් හරි උඹලට ඕනේ දේ ගෙනත් දෙන නිසා තමයි යකෝ තොපි අද කාලා ඇඳලා ඉන්නේ.. "

මම වැඩ ඇරිලා ඇවිත් ගෙදරට යන්න ගේට්ටුව ඇරියා විතරයි., මම දැනගත්තා අදත් හරි තමයි කියලා සද්දෙන්ම. අද උදේ ඉඳන් මගේ අගට හරි නැහැ. ඒ නිසා මම සද්ද නැතුව දොර අරගෙන ඇතුලට ගියා. මට කිසිම වුවමනාවක් තිබුණේ නැහැ අම්මගෙයි තාත්තගෙයි රණ්ඩුව මැද්දට යන්න. ඉතින් මම හෙමින් සැරේ කාමරේට ඇවිදගෙන ගියා. ඒත් මට වැඩිදුර යන්න පුළුවන් වුණේ නැහැ. මගේ ඇස් දෙක බොඳවෙලා වටේම කලුපාට වෙන්න ගත්තා. එච්චරයි මට මතක. මම ආපහු ඇහැරෙනකොට හිටියේ ඉස්පිරිතාලේ. මම ඇස් අරිනවත් එකක්ම අම්මයි තාත්තයි මගේ ලඟට ආවා. 

එයාලගේ මුණවල් තරහින් පුපුරණවා.. ඒ ඉස්පිරිතාලේ නෙමෙයි නම් මට හිතුණේ මාව මරලා දායි කියලා

" උඹ රස්සාව කියලා කරන්නේ මොකක්ද කියපන් මට..

ඇයි අම්මේ ?

කට වහපන්.. තෝ මෙතන තියෙන ප්‍රශ්ණ මදිවට ළමයෙකුත් හදාගෙන ඇවිත්.. තොට දැන් ළමයෙක්ද යකෝ ඕනේ.. ?

ළමයෙක් ? මොනවද අම්මේ මේ කියන්නේ ?

මොනවද නෙමයි.. තොගේ බඩේ ළමයෙක් ඉන්නවා.. 

ළමයෙක්... "

එතනින් එහාට අම්මා මට බැනගෙන බැනගෙන ගියත් ඒ කිසිම දෙයක් අහන්න මට වුවමනාව තිබුණේ නැහැ. මගේ ඔළුවේ තිබුණේ එකම දෙයක් විතරයි. ඒ මම අම්ම කෙනෙක් වෙන්න යන එක විතරයි. 

Lollipop ( Special )

කතාවේ ඉන්න චරිත වලට ගැලපෙන පින්තුර...

Images that match the characters in the story ...

1) Female Lead - Mayuri

2) Male Lead - Udara

3) 2nd Female Lead - Maheesha

4) 2nd Male Lead - Saliya

5) Pawani

6) Sayuri

ReBirth ( Special )

කතාවේ ඉන්න චරිත වලට ගැලපෙන පින්තුර...

Images that match the characters in the story ...

1) 1st Life - Male Lead - Imesh

2) 1st Life - Female Lead - Ushari

3) 2nd Life - Female Lead - Enuthi

2nd Love ( Special )

කතාවේ ඉන්න චරිත වලට ගැලපෙන පින්තුර...

Images that match the characters in the story ...

1) Female Lead - Vishani

2) Male Lead - Janith

3) 2nd Female Lead - Tharini

4) 2nd Male Lead - Ridma

5) Sameera

6) Ramesh

7) Charith

ඔයයි තාත්තා.. ( Special ) - Father Of My Child

කතාවේ ඉන්න චරිත වලට ගැලපෙන පින්තුර...

Images that match the characters in the story ...

1) Baby Boy - Ahinsa 

2) Female Lead - Gimna

3) Male Lead - Aditha

4) Enaraa

5) Uththara

6) Dilini

7) Gayathra

8) Jayanka

9) Thisew

ඔයයි තාත්තා.. ( 1 )

මගේ වයස අවුරුදු විසිඑකයි. එත් මම මේ වෙලාව වෙනකොට හිටගෙන ඉන්නේ ලොකු බංගලාවක දොරක් ඉස්සරහා. ඒ දොර අරිනකන් බලාගෙන. මොකද මේ තමයි මගේ දරුවාගේ තාත්තා ජිවත් වෙන ගෙදර.
" බැලු බැල්මට මාළිගාවක් වගේ කියලා කියන්න පුළුවන් තරමට ගෙදරකනේ පුතාගේ තාත්තා ඉන්නේ.."
මම ආපහු දොරේ බෙල් එක ගැහුවා.
මගේ හිතට මේ වෙලාවේ තියෙන එකම සැනසීම මගේ අම්මයි තාත්තයි මොනවා වුනත් මගෙත් එක්ක ඉන්නවා කියල කියපු එක විතරයි.

.......................................

මාස 12කට පෙර..

මීට මාස 12කට කලින් මම වැඩ කලේ ක්ලබ් එකක. එදා උදේ පාන්දර අපේ ගෙදර ආපහු ලොකු රණ්ඩුවක් වුණා. උදේ පාන්දරම තාත්තා ණය ගත්ත තැනකින් ණය එකතු කරන්න ආවා. මගේ තාත්තට ස්ථිර රස්සාවකුත් නැතුව, කුළී ගෙදරක ඉන්න ගමන් අපි ජීවත්වෙන්නේ. එයා මේ පාර ලක්ෂ 10ක් ණයට අරගෙන. කිසිම වාරිකයක් ගෙවලා නැහැ. තාත්තට ණයට ගන්න එක පුරුද්දට ගියේ කොහමද කියන්න මම දන්නේ නැහැ. ඒත් දැන් අපිට ඔලුව උස්ස ගන්න බැරි තරමට ඒක නිසා ප්‍රශ්න ඇතිවෙලා. මල්ලිත් තවම ඉස්කෝලේ යනවා. අම්මටත් රස්සාවක් නැහැ. මම පාර්ට් ටයිම් ජොබ් එකක් හොයා ගත්තෙත් මේ නිසා. යාලුවෙක් තමයි මාව ස්පෝර්ට් ක්ලබ් එකට එක්කන් ගියේ. එතන වේකන්සි එකකට. උදේට කැම්පස් යන නිසා හවස තමයි මගේ ශිෆ්ට් එක පටන් ගන්නේ. මටත් ඒක ලේසි නිසා මම වැඩ බාර ගත්තා. මට හොඳ පඩියකුත් හම්බවුනා මාසෙකට පස්සේ. අද කාලේ පාර්ට් ටයිම් කරලා මාසෙකට විසිදාහක් හොයන එක ලේසි නැහැ. වේටර් රස්සාවක් නිසා මට කිසි කරදරයක් නැතුව රස්සාව කරගෙන ඉන්න පුළුවන් වුණා.

අම්මයි තාත්තයි මට ආදරේද නැද්ද කියන්න මම දන්නේ නැහැ. එත් එයාලට මම කොහොම හරි සල්ලි හොයලා දුන්නා නම් ඒ ඇති. මම කෑවද වත් කියලා වැඩ ඇරිලා ගෙදර ආවම අම්මා අහන්නේ නැහැ. වෙලාවකට මට හිතෙනවා මම එයාලගේ දරුවෙක් නෙමෙයිද කියලත්. මුලදී හිත රිදුණත් දැන් මට ඒ හැමදේම පුරුදුයි. මම මට පුළුවන් දේ කරනවා. එච්චරයි.

මේ ගෙවුණු අවුරුදු 10ය ඇතුලත අපේ පවුලේ කොච්චර නම් දේවල් වෙනස් වෙලාද. කලින් එහෙම නැහැ. දැන් වෙනකොට ගෙදර වියදමට පොඩි ගානක් තියාගෙන හම්බකරන හැම සතේම ණය ගෙවන්න වියදම් කරනවා. මාසෙන් මාසෙට ණය ගෙවන එක තමයි දැන් අපේ පවුලේ ලොකුම වැඩේ.

මගේ තාත්තා දේවේන්ද්‍ර. වයස අවුරුදු 46යි. රස්සාව කරපු කම්පනි එක අවුරුදු 10කට කලින් වැහුවට පස්සේ දැන් ලොරියක් අරන් හයර් කරනවා. මගේ අම්මා මානෙල් කන්න බොන්න නැතත් කලින් ජීවත්වුණා වගේ වගේ ජිවත් වෙන්න හදනවා. ණය වෙලා හරි සෝබනේට ජිවත් වෙන්නයි එයාට ඕනේ. මටත් ලොකු වයසක් නැහැ. හිනා යනම දේ තමයි අපේ පවුලේ කාටවත් බෑන්ක් එකවුන්ට් එකක් නැති එක. හ්ම්.... ඇයි ඉතිං අපි හම්බ කරන හැම සතෙකින්ම කරන්නේ ණය ගෙවන එකනේ. අපිට අතේ සතේ නැති වුනත් අපි ඉදලා හිටලා හරි ලොකු රෙස්ටුරන්ට් වලින් කනවා. ඒ විතරක් නෙමෙයි හොඳ කඩවල් වලින් ලොකු ගාණක් දීලා ගත්ත ඇදුම් අදිනවා. පිටින් බැලුවම කාටවත් කියන්න බැහැ අපේ පවුලේ ඇත්ත තත්වය. ඒ තරම්ම තාත්විකයි අපේ රගපෑම. ඒ නිසාමද මන්දා මට මේ ජිවිතේ එපා වෙලා තියෙන්නේ. කිසි සැනසීමක් නැති ජිවිතයක්.

එදත් වෙනදා වගේම තමයි. මම කැම්පස් එකේ ලෙක්චර්ස් ඉවර වෙලා ජොබ් එකට ගියා. මම හිතුවා විතරයි හැමදේම හොදින් සිද්දවෙන්න පටන් ගත්තා කියලා, මට රස්සාවක් ලැබුණම. ඒත් ඒ හැමදේම අවුල්වෙන්න පටන් ගත්තේ මේ රස්සාවෙන් කියලා නම් මට කීයටවත් හිතුනේ නැහැ. එදා උදේ අම්මා මගේ වියදමට කියලා මං ළඟ තියාගත්ත රුපියල් දාහත් උදුර ගත්තා. එයාගේ වියදමට මදි කියලා. එකට රණ්ඩු වෙලා ගෙදරින් ආව නිසා මට ගෙදර යනවට වඩා නොයා ඉන්නයි වුවමනාව තිබුණේ.

" මට ඒ ගෙදරට නොයා ඉන්න පුළුවන් නම්.. නෑ.. නෑ.. මට කොහොමටත් ඒ ගෙදරට යන්න ඕනේ නැහැ..." ඒ නිසාම එදා මම වැඩිපුර වැඩ කළා. එතකොට තමයි අපේ මැනේජර් මට ඇවිත් කිව්වේ ටේබල් නම්බර් 10 බලන්න කියලා.
දෙයියනේ....!!! වෙන කවුරුවත් නෙමේ. අපේ කැම්පස් එකේ ගොඩක් කෙල්ලන්ගේ සිහින කුමාරයා. අදිතයි එයාගේ යාළුවොයි.

හැබැයි එයාලා මාව අදුරගත්ත බවක් පෙනුනේ නැහැ. ඉතින් මම මුකුත් අමුත්තක් නැතිව ඕඩර් එක අරන් එතනින් ගියා. අදිත අයියා වෙනදා වගේ නෙමෙයි. එයාට සිහිය නැතිවෙන තරමට එයා බිව්වා. මම දෙතුන් පාරක් එයාලගේ ඕඩර් ගත්තා. එත්.. එයාගේ යාළුවොත් ගියාට පස්සේත් එයා බොන එක නතර කලේ නැහැ. මම අපේ මැනේජර්ටත් කියලා අදිත අයියා ළගට ගිහින් කිව්වා " සර් දැන් ඇති.. " කියලා. අදිත අයියා මොකුත් නොකියා ටික වෙලාවක් මගේ දිහා බලන් හිටියා.
" තමුසේ.. මගෙත් එක්ක යන්න එනවා.. "

මට කරන්න දෙයක් තිබුණේ නැහැ. මම මැනේජර් ට කියලා අදිත අයියත් එක්ක එයාගේ කාර් එක ළගට ගියා. එයා මාව කාර් එක ඇතුලට තල්ලු කරලා එයත් නැග්ගා. ඩ්‍රයිවර් වාහනේ ස්ටාර්ට් කළා. මම මොකුත්ම නොකියා සද්ද නැතුව හිටියා. මටත් ඕනේ වුණේ ගෙදර යන එක පරක්කු කරන්න. ඒ නිසා මම එයාලට මොකුත් නොකියා වාහනේ ජනේලෙන් එළිය බැලුවා. ඒ තරම් ලස්සනට මං කවදාවත් අහස දැකලා තිබුනේ නැහැ. දන්නෙම නැතුව අපි ඇවිත් තිබුනේ අදිත අයියගේ ගෙස්ට් හවුස් එකට. මම අදිත අයියාව එක්කගෙන ගෙස්ට් හවුස් එකට ගියා.

Next Page - https://vimarshanasamarakoon.blogspot.com/2019/06/special.html

by VimarshanaS

ReBirth

හැදින්වීම...

මුදල්.. අපි කතාවට කියන්නේ දෙයියන්ගේ මල්ලි කියල.. ඒ එතරම බලයක් මුදල් වලට මනුස්ස සමාජය තුල ඇති නිසා. වත්කම් වලට අයිතිකාරකම් කීම මරණයද.. මරණය තමන් ආදරය කරන කෙනෙක්ගෙන් නම්.. ඒක බාරගත යුතුද ?

ප්‍රථම ප්‍රේමය විදින්නත් කලින් මියයන්න වුනොත් ? කවුරුවත් ඒ දේට කැමති වෙන එකක් නැහැ. එත් හැමදේම තිබිලත් එයාවම හොයන ගියොත් ? එදාට එයාට මාව අදුර ගන්න පුළුවන් වෙයිද ? මේ අලුත් මාව එයා අදුර ගනීද ?

මේ හැම ප්‍රශ්නෙකටම උත්තර හොයන්න එයා ඉන්න ඕනේ. එත් ඒ දෙන්න වෙන් වුනේ ආයේ එකතු වෙන්න පුළුවන් විදියට නෙමෙයි. එකයි ඇත්ත. එක එහෙම නම් මේ මරණයත් එක්ක හැමදේම යටපත් වෙලා යයිද ? කාටවත් ඒ ගැන හිතන්නවත් බැරිවෙයි..

Next Page - https://vimarshanasamarakoon.blogspot.com/2019/06/rebirth-special.html

by VimarshanaS

ජල දෙවියන්ගේ මනාලිය..

අද නම් මහා අමුතු දවසක්. මුළු පරිසරයම මහා මුස්පේන්තු පාටයි. ඊයේ රාත්‍රියේ මා දුටු සිහිනයත් එතරම් සතුටුදායක වුවක් නොවේ. හැමදේම අවසන් වී යනවා වැනි හැගීමක් මට මේ කවදාවත් නැතුව දැනෙන්නේ කිමද ? මා කොතරම් කල්පනා කලද මා හට නම් මෙයට පිළිතුරක් ලැපෙන පාටක් නොමැත. පන්සලේ හාමුදුරුවන් බැහැ දකින්නට ඇත්නම්. මට මේ පිලිබදව පවසා මගේ සිත සැහැල්ලු කර ගන්ට ඇත්නම්. එත් එය කෙසේ කරන්නද ? උන් වහන්සේ පිට ගමක දැනට වැඩි අතර ඇද හැලුණු වර්ෂාව හේතුවෙන් නැවත නගරයට වැඩම කිරීමට නොහැකිව සිටිනවා. මේ හැම දේම මහා ප්‍රෙහෙලිකාවක පටන් හන්මක් වාගේය. ඇයි මගේ සිහින වල මා කිසිදාක දැක නැති අයෙකු දිස්වන්නේ. සිහිනෙන් ඔහුගේ මුහුණ මා හොදින් දුටුවත් අවදි වූ සැනින් එය අමතක වී යයි. කුඩා කල පටන් වරින් වර මම මේ සිහිනය දුටුවත් දැන් දැන් නම් එය දිනපතා දකින සිහිනයක් වී හමාරය. මා කිසිදාක දැක නැති පුද්ගලයෙකු මා එනතුරු ඈතට වී බලා සිටී. මම ඔහු අසලට දුව යන හැම විටම ඔහු තවත් ඈතට ඇදෙයි. ඔහු මට ඉතා කාරුණිකව අඩ ගසයි. මම ඔහු ලගට යාමට කොතරම් තැත් කලත් එය කිසි දිනක සිදු නොවේ. ඒ මොහොතේදී ලය පැලී රිදුම් දෙන්නා වූ තරම් වේදනාවකින්  මාගේ මුළු සර්වාංගයම වෙලී යයි. මෙවැනි සිහිනයක් කුඩා කල පටන් මට වැඩ දෙන්නේ ඇයි දැයි පැනයට මා හට නම් කිසිදාක පිළිතුරු දීමට නොහැකිය. මම කවුද ? ඇයි මට මෙතරම් පිරිසක් සිටියත් තනිකමක් දැනෙන්නේ ? හරියට මා මේ ලෝකයට අයිති නැති කෙනෙක් වාගේ.
කුමරියනි... දැන් බොහෝම දවල් වෙලා නොවේද ? සේවිකාවගේ ඒ හැදින් දෝරා එකවරම ගැස්සී අවදි වුනි.
ආ ප්‍රධාන සේවිකවනි.. සුභ උදෑසනක් !
කුමරිය අදත් අර සිහිනෙම දුටුවාද ?
හ්ම්..
රජතුමා ඔබට පැවසීමට යමක් ඇති බැවින් ඔබ අවදි වූ විගස ඔහුව බැහැ දැකීමට පැමිණෙන ලෙස ඔබට පවසන්නට කීවා..
එහෙයි එහෙයි ප්‍රධාන සේවිකවනි..

කිමද ඔබ අද මෙතරම් මුහුද සැර කරන්නේ ?
ඔබට ඉන් ඇති ප්‍රයෝජනය කුමක්ද ආරක්ෂක ?
දෙවිදුනි.. එසේ නොවේ. මා මේ පැවසීමට උත්සහා කළේ ..
මා දන්නවා ප්‍රධාන ආරක්ෂක ඇයගේ පැමිණීමට කාලය පැමිණ ඇති බව..
දෙවිදුනි..
ඔවුන් ඇයව මගේ තුරුලට පා කරාවි ලගදීම..
මේ තරම් කාලයක් ඔබ බලා සිටියේ ඔය දේ වෙනුවෙන් නොවේද දෙවිදුනි..
නමුත් මෙය නිවැරදි දේ දැයි මාහට දැන් සිතෙයි ආරක්ෂක. ඇය තවම සොළොස් වියෙහි වූ ළාබාල යුවතියක්..
හැම දෙයක්ම හොදින් සිදුවේවි දෙවිදුනි. ඔබයි මේ සෑම ජීවියෙකුගේම පැවැත්මට අවශ්‍ය ජලයට අදිපති. ඔබේ නොසන්සුන් බව ජලයට හානි කරාවි. සන්සින් වන්න දෙවිදුනි..
ඔබේ පණ්ඩිත කතා මට අවශ්‍ය නැත ආරක්ෂක..
මා හා අතිනත ගැනීමට සිටි මාගේ කුමරියව මනු ලොවට යැවීමට තරම් මේ ලොව තුළ වූ නීතිය කුරිරු වුයේ කෙසේද ? ඇයගේ පියා එතරම් බලවත් පවුලක අයෙකු නොවූ නිසාද ? ඇය මට සමීප වුයේ බලයට ආශාවෙන් නොවේ. ඈ මා හට පෑවේ ඇයගේ අව්‍යාජ ස්නේහය මිස අන් කවරක්ද ? ඒ නිසා යට ලැබුණු දඩුවම මා කෙසේ ඉවසම්ද ? ඇයගේ ආත්මය මනුලොව කළලයකට ඇතුලත් කිරීම. මේ කවර නම් දණ්ඩනයක්ද ? අපගේ ප්‍රේමයේ ඇය පමණක් වැරදි කරුවෙකු වන්නේ කෙසේද ? එයත් මනුලොවට පලවා හැරීමට තරම්. මා හට අද හිමි මේ බලය ලැබුනේ ය ඒ දඩුවම බාරගත් බැවින්. මට බලය ලබා දීමට ඇය මෙවැනි තීරණයක් ගනී යැයි මම හිනේකුදු නොසිතුවෙමි. ඇය සිතන්නේ කුමක්ද ? ඈ නොමැති තැන මා සාර්ථක වේවි කියාද ? ඈ මනුලොව ඉපදුනත් මා ඇගෙන් වෙන් නොවුයේ එනිසයි. දැන් මේ ඇයට ආපසු පැමිණීමට නියමිත කාලයයි. කිමද දැන් ඇයට වචනෙකුදු හානියක් කිරීමට කෙනෙකු මේ ලොවේ දැන් නොමැත. ඒ මේ ලොව දැන් මා හා සම කල කිසිවෙකු නොමැත. ඒ මා ජලයට අධිපති වූ බැවිනි.

දෝරා.. ඔබ පැමිනියාද මගෙ දුවේ ?

එසේය පියානෙණි..

මා මේ පැවසීමට සූදානම් වුයේ අපට එහා රාජ්ජයෙන් ඔබ වෙත ආ මන්ගල යෝජනාවක් පිලිබදවයි..

මට ඔය ගැන දැන්ම සිතිය නොහැකී පිය රජතුමනි..

ඒත් දෝරා..

රජතුමනි.. මහා විපතක්. මුළු නගරයම ජලයෙන් යටවී මහා විනාසයක් මහ රජතුමනි..

කුමක්ද ? කුමක්ද සෙබළ ඔබ මේ පවසන්නේ ?

මුහුද ගොඩ ගලලා රජතුමනි. නගරයෙන් හරි අඩක් විනාශයි..

ජනතාව ? එතකොට ජනතාවට මක් වීද සෙබළ ?

කුමරියනි.. ඒ ගැන තවම මට ස්ථිරව පැවසිය නොහැක..

දෝරා.. දූ.. ඔබ ඔබේ කුටියට යන්න. මම මේ පිළිබදව විමසා බැලිය යුතුයි..

සේවිකාවනි කුමක්ද වී ඇත්තේ ?

මුහුද ගොඩ ගලලා රටෙන් අඩක්ම යට වෙලා කුමරියනි..

කිසිදු පිළියමක් නැතිලු. අනාවැකි කරුවන් නම් පවසන්නේ මෙය දේව සාපයක් බැවින් පිරිසිදු කන්‍යාවියක් මුහුදට බිලිදීම එකම විසදුම කියායි..

ඉතින් ඔවුන් එසේ පැවසීමට හෙතුව ?

අතීත පුරාණ කතා වල එන පිළියම මෙයලු. ඔවුන් උගත් සාස්තරේ අනුව මෙය අවසන් විසදුමලු. හැකි ඉක්මනින් මෙය සිදු කල යුතු බවයි ඔවුන් පවසන්නේ කුමරියනි..

කාවද බිලි දෙන්නට හදන්නේ ?

සොළොස්විය ඉක්මවූ යුවතියන් ගෙන් මහ රජ ඉල්ලිමක් කලා කුමරියනි. නමුත් සෑම කෙනෙකුම බියට පත්ව ඇති බවයි පෙනෙන්නේ. ඔවුන් කිසිවෙකු කැමති වුයේ නැත කුමරියනි..

එකම පිළියම එය නම් වෙන කල හැකි දෙයක් නැත සේවිකාවනි..

මට වටහුනේ නැත කුමරියනි ?

කෝ පිය රජු ?

සිංහාසනයේ වැඩ සිටිනවා කුමරියනි..

පිය රජතුමනි මට අවසර..

කිමෙක්ද කාරණය දෝරා ?

සත්‍යයක්ද පියානෙණි කිසිවෙකු මුහුදට බිලි වීමට ඉදිරිපත් නොවෙනවා කියන්නේ ?

එසේය දියණියනි..

පියානෙණි එසේනම් මා ඉදිරිපත් වන්නම්..

දෝරා..

එසේය පියානෙණි. මා හා සම කල හැකි වෙන කිසිවෙකු මේ රාජධානියේ නොමැත. එසේ නම් මට අවසර දෙනු මැනවි පියානෙණි..

දෝරා..

දෙවිදුනි.. ඇය ඒ තීරණය ගත්තා නොවේද ?

එසේය ආරක්ෂක. ඔබ ඔය තරම් පුදුම විය යුතු නැහැ..

එනමුත්..

හා.. හා.. මා ඇයට අළුම් කරන හේතුවද එයයි ආරක්ෂක. එනම් ඈ තුල පවතින අව්‍යාජ ගතිගුණ මා තව තවත් ඈ කෙරෙහි බැදීමට හෙතුව..

එසේය දෙවිදුනි..

කුමරිය මුහුදට බිලිදෙන දිනය උදාවිය. එය අති උත්කර්ෂවත් අන්දමින් පැවැත්වීමට රජු තීරණය කලේ ඇය ඔහුට දාව ඉපදුන එකම දියණිය වූ බැවිනි. නමුත් ඈ ඉපදුන දවසේ අනාවැකි කරුවන් පවසූ වදන් රජුගේ මතකයට නගුනේ නිතැතින්ම වාගේය. ඒ දෝරා තමාට අයිති ලොවට සොළොස් වසරකට පසු සියල්ල හැර දමා නික්මෙන බවයි. එය  ඇයගේ මරණය බව රජු හීනෙකුදු නොසිතුවේය. නමුත් එය ඇගේ දඩුවමේ අවසාන කාලය බව මනුලොව මනුෂ්‍යන් නොදනී. මිසු.. ඈ හට ඇයට අයිති ලොවට පමිනීමට මන්පෙත් විවර කලේ මේ ඇය නැවත දෙව් ලොවට පැමිණීමට කාලය වූ නිසාවෙනි.

කුමරියට බොහෝ පින් ලැබේවා ! නමුත් අපට කමා කරන්න කුමරියනි..

මට සමාවෙන්න දියණියනි..

එසේ නොපවසන්න පියානෙණි. මා රාජකීය පවුලේ සාමාජිකයකු ලෙස මේ රාජ්ජය වෙනුවෙන් මට කිරීමට හැකි සියලු දේ සිදු කරනවා. එසේ කිරීමට මගේ ජීවිතය කැප කිරීමට සිදුවුවද මට කම් නැත. මා හට සතුටින් සමුදී ඔබලාගේ සුරක්ෂිතභාවය රැක ගන්න. දීර්ඝයු වේවා මහ ජනතාවනි !

ඇය මනු ලොවේදී පැවසූ අවසන් වදන් එය විය. ඇය නැගි කුඩා බෝට්ටුව ඈතට පාවී යනවාත් සමගම රාජධානිය වෙලා සිටි කරදිය ඈ පසුපසින් කෙමෙන් කෙමෙන් මුහුද වෙත ගලා ගියේය. ගත වූයේ නිමේෂයකි. සුළියක් ! ජල සුළියකට හසුවී ඇගේ කුඩා බෝට්ටුව මුහුදු පතුලට ඇදී ගියේය. ජනතාව කුමරිය කෙරෙහි ඇති කර ගත්තා වූ භක්තියෙන් ඇයට ආශිර්වාද කළේ හැඩු කදුලෙනි. එය මුළු රාජධානියම කම්පා කරවීය.

දෝරා.. අවදිවන්න..

අහ්.. මා.. මා මෙහි ? කොහිද මේ ?

ඔබ අයිති මේ ලොවටයි දෝරා..

අහ්.. ඔබ.. ඔබතුමා කවරෙක්ද ?

මා දෙස හොදින් බලන්න දෝරා. ඔබට මාව මතක නැතිද ?

ඔබ නේද මගේ සිහින වල සිටි කුමරු..

එපමණද ?

ම්.. මි.. මිසු..? ඔබ නේද මගේ මිසු. අහ්.. මට දැන් මතකයි. මට හැම දෙයක්ම මතකයි..

මා ඔබ නැවත පැමිනෙන තුරු මෙතරම් කලක් ඔබ වෙනුවෙන් බලා සිටියා. ඉතින් ඔබ කැමතිද මා හා පැමිනෙන්න ?

කුමරුනි මේ කිනම් විපර්යාසයක්ද ? මා ඔබට කෙසේ නම් නොහැකී කියම්ද ?

මා හා මේ දුර ගමන යන්නට ඔබ කැමතීද ?

එසේය කුමරුනි.. 

එසේනම් ඔබ මා අතින් අල්ලා ගන්න දෝරා. මා ඔබව ගිරි දුර්ග මැදින් පාරාදීසයකට රැගෙන යන්නම්..

by VimarshanaS

අම්මා..

ප්‍රාණය.. ඔබ මගේ ප්‍රාණයම විය..

ඔබ වෙනුවෙන් මම හැමදාමත් සිටින..

මුළු ලෝකයම ඔබට එරෙහිව සිටියත්..

ඔබ වෙනුවෙන් මා මග බලා සිටින..

ඔබේ දෙනෙතින් ගැලූ කදුළු වලින්..

ආදරයේ කවිය මුළු ලොවටම පෙන්වූ..

ඔබේ ඒ ආදර දෑසම සොයමින්..

ඉවසීමෙන් මා මා බලා සිටපූ..

මෑණියනි මා මෙලොවට බිහිකළ..

ඔබෙ අඩිතාලම මත නැගිටින්නට මට අවසර..

ඔබ දෙස බලමින් මා සමදා සැනසෙන්නේ..

එය නැතිවුණෝතින් මා කෙසේ සිටින්නේ ?

ඔබත් සමග මගේ මුළු ජීවිතේම ගෙවෙනවානම් !

ඔබ මා වෙනුවෙන්ම සිටිනවාද මවුනි..

මා ඔබ වෙනුවෙන්ම මග බලා සිටින ලෙසම..

ඔබත් තමා මගේ එකම සැනසීම..

කිසි දින නොපෙන්නුවත්..

කිසි දින නොපැවසුවත්..

මා ඔබට මගේ පණටත් වඩා ආදරෙයි..

ඔබ පැවසූ වදන් වලට මා කෝප වූ විට..

ඔබ මා වෙනුවෙන් කොතරම් ඉවසුවාද..

මට සමාවෙන්න මවුනි..

මගේ මුරණ්ඩු කමට..

ඒ ඔබට ආදරේ නොමතිව නොවේ..

ඔබට අකීකරු වීමටද නොවේ..

මෑණියනි මා මෙලොවට බිහිකළ..

ඔබේ අඩිපාරේ යාමට මට අවසර..

by VimarshanaS

2nd love

හැදින්වීම.. 

මොකක්ද වුනේ කියන ප්‍රශ්නයට උත්තර දන්නේ නැතුව කොහොමද මොකක්ද කරන්නේ කියල හිතන්නේ ? ඒ වගේ හැගීමක් ආපහු එත් කවදාවත් වෙයි කියල හිතන්න බැරි දෙයක්.. මේක හොද දෙයක් නෙමෙයි.. මම දැනම මේ හීනෙන් නැගිටින්නම වෙනවා..

ප්‍රථම ප්‍රේමයේ පෙම්වතිය හෝ පෙම්වතා සමග විවාහ වෙන්න ලැබෙනවා කියන්නේ හීනයක් වගේ. මොකද ගොඩක් අයගේ එහෙම වෙන්නේ නැති නිසා. එත් හැමදේම හරි ගිහින් තියෙද්දී අන්තම මොහොතේ හැම දේම නැති වුනොත්.. කාගේ වත් වැරද්දක් නැතුව. කාටවත් චෝදනා කරන්න බැරුව. 

විශානි විවාහ වෙන්න තිබුනේ හරියටම මාසයයි. එත් යේ සහකරු හැම දේම නතර කරලා ඇගෙන් අයින් වෙනවා. කිසිම හේතුවක් නොකියාම.

Next Page - https://vimarshanasamarakoon.blogspot.com/2019/06/lollipop-special.html


by VimarshanaS

Lollipop..

හැදින්වීම..

" මයුරිට නැති වුනේ එයාගේ ආදරය විතරක් නෙමෙයි.. එයාගේ පවුල, එයා මෙච්චර කල් ගොඩ නගා ගත්ත හැම දේම එක මොහොතකින් නැති වුනා. ඒ වෙන කවුරුවත් නිසා නමේ සාලිය නිසා. මනුස්සයෙක්ව මරන්න හදන එක වැරද්දක් තමයි. එත් මයුරිට ඕනේ වුනේ මරන්න නෙමෙයි බය කරන්න. කවුද හිතුවේ මෙහම දෙයක් වෙයි කියලා. "

හැම ආදර කතාවකම හැමදාම වාගේ ප්‍රධාන චරිත තුනක් තියෙනවා.

ප්‍රේමවන්තිය.. හැමදාමත් වාගේ අහිංසක ලස්සන මහන්සිවෙලා තැනකට එන්න හදන කෙනෙක්.

ප්‍රේමවන්තයා.. අනික් කෙනාටම වැඩිය තමන්ගේ පෙම්වතිය ගැන විතරක් හිතන අවංක කෙනෙක්.

දුෂ්ටයා.. එනම් මේ ආදරේට බාධා කරන කෙනා. හැමදාමත් වාගේ මිනිස්සු අකමැත්තෙන් ප්‍රතික්ෂේප කරන කෙනක්.

ආදර කතාවක පෙම්වති පෙම්වතියයි දුෂ්ටයව පරද්දල ආදරේ ජය ගත්තට පස්සේ දුෂ්ටයාට මොකද වෙන්නේ ? දුෂ්ටයා ඔය කියන තරම්ම නරකද ? සාම්ප්‍රදායික ආදර කතාවල හැමදාමත් දුෂ්ටයා පෙම්වතියට හෝ පෙම්වතා ට ආදරය කරනවා. එක අවංක ආදරයක් නෙමෙයිද ? එයාට මොකද වෙන්නේ හැම දේම නැති වුනාට පස්සේ.. කවුරුවත් ඒ ගැන හිතන්නේ නැහැ. හමොටම ඕනේ ප්‍රධාන චරිත දෙක එකතු වෙනවා දකින්න..


Next Page - https://vimarshanasamarakoon.blogspot.com/2019/06/lollipop-special_3.html

by VimarshanaS